Aallaqqaasiut

Saqqummersitami matumani utaqqiisaagallartumik isertitanut taarsiissutaasunik pisortanit ikiorsiissutinik pisartut aammalu tunniunneqartut amerlassusaat nassuiarneqarput.

 

Utaqqiisaagallartumik isertitanut taarsiissutaasunik ikiorsiissutit pingaarnertut sammineqartut

Saqqummersitami utaqqiisaagallartumik isertitanut taarsiissutaasunik ikiorsiissutit suliffeqanngikkallarnermi aammalu suliffeqannginnermi ikiorsiissutaasartut sammineqarput. Ikiorsiissutit tunniunneqartarput suliffissaaleqinermi, napparsimanermi allamilluunniit peqquteqarluni isertitaqarunnaarnermi. Ataani pineqartut ikiorsiissutit saqqummersitami uani sammineqartut tassaapput:

 

·       Pisortanit ikiorsiissutit

·       Suliffeqanngikkallarnermi ikiorsiissutit; suliffeqannginnermi, angerlartitaanermi aammalu napparsimanermi

·       Ernereernermi ullormusiat il.il.

 

Saqqummersitap ilusilersornera

Saqqummersitaq utaqqiisaagallartumik isertitanut taarsiissutaasunik ikiorsiissutinik pisartut amerlassusaannik aammalu tunniunneqartut amerlassusaannik sumilu najugaqartuunerinik (Imm. 2) aallaqqaaserneqarpoq.

 

Isertitaqarunnaarsimanermut ikiorsiissutaasartut assigiinngitsut arlaqarput. Inatsit tunngaviusoq aammalu ikiorsiissuteqarnissamut aalajangiinermi tunngaviit ikiorsiissutillu suuneri immikkoortut pingajuanni nassuiarneqarput.

 

Naatsorsuutit kommunit naatsorsuuseriviinit tunngaviusunit pilersitaapput. Naggasiullugulu naatsorsuutit tunngaviusut, suliarineri periaaserlu atorneqartoq immikkoortut sisamaanni tallimaannilu nassuiarneqarput.

 

Utaqqiisaagallartumik isertitanut taarsiissutitut ikiorsiissutit 2017 ilanngullugu saqqummiunneqarput.

 

Naatsorsuutinit allanit allaanerussut

Naatsorsueqqissaartarfiup saqqummersitaa kingulleq ”Isumaginninnermi ikiorsiissutinik pisartut 20xx” 2015-imeersuuvoq. Kisitsisillu 2015-imeersut Naatsorsueqqissaartarfiup Kisitsisaataasiviani isumaginninnermut tunngasut ataanni taamaallaat aaneqarsinnaallutik. Saqqummersitamut uunga sanilliullugu utaqqiisaagallartumik isertitanut taarsiissutaasunik ikiorsiissutinik pisartut aammalu tunniunneqartut amerlassusaannut naatsorsuutini saqqummersitat taakku marluk nikingasinnaapput. Allaanerussut immikkoortut tallimaanni takuneqarsinnaapput.

 

Kisitsisaataasivimmi

Kisitsisaataasivimmi kisitsisinik nammineq toqqakkanik aallertoqarsinnaavoq uuttuutit soorlu kommuni, najugaq, ikiorsiissutit suuneri, ukiut, suiaassuseq, ukioq naatsorsueriaatsillu (ikiorsiissutinik pisartut amerlassusaat imaluunniit tunniunneqartut amerlassusaat) malillugit katiternerisigut.